Hey! Schön dich z'gseh...
di cüülschti Bar i Town > logisch, äs giit ja nur eini ;-)
Bar4Good isch die chli anderschti Non-Profit-Organisation
Mir sammled Gäld für Chind und Jugendlichi, wo unter schwierige Bedingige läbed, und unterstützed Projekt rund um Sport, Bildig und Perspektive. Und will mir finded, dass Gäld sammle ruhig au Spass mache darf, organisiered mir Pop-up-Bars, Sportevents und allerhand schöni Sache, wo gueti Luune und en guete Zweck mitenand verbindid.
... und jetzt chömed mir zu O-BAR-Rieden
Zwei Mitglieder vo üsem Vorstand sind nämlich unglaublich stolz druf, im schönschte Dorf am Zürichsee läbe z'dörfe. Vielleicht sogar im schönschte Dorf vo de ganze Welt. Aber mir wänd da natürlich überhaupt nöd übertriibe. Unter üs nenned mir Oberriede zwüschetdure trotzdem ganz bescheide "s’Promised Land".
Und will mer nöd nume da wohne, d’Aussicht gnüsse, im See schwümmä und üs jeden Tag freue wänd, wiä guet mir’s troffe händ, hämmer eus überleit, wie mir üsem Dorf und all dene fantastische Lüüt öppis chönd zrugggeh.
... so isch O-BAR-Rieden entstande
Mir sind det, wo Oberriede läbt, lacht und fäschtet: a de Chilbi, a Abschlussbäll, a Dorffäscht und bi all dene andere Highlights, wo mer am nächschte Morge vielleicht nüm ganz jedes Detail weiss – aber sicher no weiss, dass es grossartig gsi isch.
Mir mached fantastischtischi Drinks, served mit Herz, Charme und je nach Uhrziit mit überraschend viel Präzision. Und das Ganze zu faire Priise, damit würkli alli öppis devo händ – d’Gäscht, s’Dorf und am Schluss au de gueti Zweck.
... O-BAR-Rieden isch also nöd eifach nume e Bar
Es isch es chliises Dankeschön a Oberriede. Es isch Dorfliebi im Glas. Es isch gueti Luune mit Eiswürfel. Und es isch de Bewiis, dass mer mit eme feine Drink, ere grossartige Gemeinschaft und es bitzli Grössenwahn tatsächlich öppis Guets bewirke cha.
Oder anders gseit: Oberriede het scho fascht alles gha. Jetzt hets au no O-BAR-Rieden. OMG!
Mir sammled Gäld für Chind und Jugendlichi, wo unter schwierige Bedingige läbed, und unterstützed Projekt rund um Sport, Bildig und Perspektive. Und will mir finded, dass Gäld sammle ruhig au Spass mache darf, organisiered mir Pop-up-Bars, Sportevents und allerhand schöni Sache, wo gueti Luune und en guete Zweck mitenand verbindid.
... und jetzt chömed mir zu O-BAR-Rieden
Zwei Mitglieder vo üsem Vorstand sind nämlich unglaublich stolz druf, im schönschte Dorf am Zürichsee läbe z'dörfe. Vielleicht sogar im schönschte Dorf vo de ganze Welt. Aber mir wänd da natürlich überhaupt nöd übertriibe. Unter üs nenned mir Oberriede zwüschetdure trotzdem ganz bescheide "s’Promised Land".
Und will mer nöd nume da wohne, d’Aussicht gnüsse, im See schwümmä und üs jeden Tag freue wänd, wiä guet mir’s troffe händ, hämmer eus überleit, wie mir üsem Dorf und all dene fantastische Lüüt öppis chönd zrugggeh.
... so isch O-BAR-Rieden entstande
Mir sind det, wo Oberriede läbt, lacht und fäschtet: a de Chilbi, a Abschlussbäll, a Dorffäscht und bi all dene andere Highlights, wo mer am nächschte Morge vielleicht nüm ganz jedes Detail weiss – aber sicher no weiss, dass es grossartig gsi isch.
Mir mached fantastischtischi Drinks, served mit Herz, Charme und je nach Uhrziit mit überraschend viel Präzision. Und das Ganze zu faire Priise, damit würkli alli öppis devo händ – d’Gäscht, s’Dorf und am Schluss au de gueti Zweck.
... O-BAR-Rieden isch also nöd eifach nume e Bar
Es isch es chliises Dankeschön a Oberriede. Es isch Dorfliebi im Glas. Es isch gueti Luune mit Eiswürfel. Und es isch de Bewiis, dass mer mit eme feine Drink, ere grossartige Gemeinschaft und es bitzli Grössenwahn tatsächlich öppis Guets bewirke cha.
Oder anders gseit: Oberriede het scho fascht alles gha. Jetzt hets au no O-BAR-Rieden. OMG!
Sekundar Abschlussball 2026
